Vladimir Putin i është nënshtruar një operacioni, që ka dalë me sukses, pasi sipas dailymail, lideri rus vuan nga kanceri. 69-vjeçari iu nënshtrua një operacioni të hënën e kaluar, pas këshillave nga mjekët se trajtimi ishte thelbësor, sipas kanalit në Telegram General SVR, i cili pretendon se merr informacion nga brenda Kremlinit.
Gjendja e Putinit ishte përkeqësuar të premten mbrëma, thuhet në llogarinë e mediave sociale, ndërsa theksohet se mjekët e kanë këshilluar që të shmangë pjesëmarrjen në takime për disa ditë të tjera derisa ai të shërohet.
Rusia tashmë po drejtohet nga ish-shefi i spiunazhit të FSB-së dhe kryetari aktual i këshillit të sigurisë, Nikolai Patrushev. Kremlini nuk ka komentuar mbi akuzat e fundit për shëndetin e keq të Putinit, por e ka mohuar njëherë se ai po vuan nga një sëmundje.
